L’enviern e puspè enavos en il Grischun - almain oz e damaun. Las vias en las regiuns pli autas èn per part curcladas cun naiv. Cun l'enviern ch'è puspè enavos creschan era ils quitads dals automobilists ch'han gia midà sin ils pneus da stad.
Pon ins charrar cun pneus da stad sin naiv?
Ils experts dian na. Cun pneus da stad pon ins charrar sin vias bletschas mo sche las temperaturas na crodan betg sut set grads.
I na resta dimena nagut auter: En il cas cuntrari fissi veramain da ponderar sch'ins vul puspè montar ils pneus d’enviern.
RR actualitad 17:05