Ils custs per il project GraubündenPASS gratuit per giasts, fissan stà tranter 14 e 23 milliuns francs per onn. L'idea per in tal bigliet deriva dal Tessin. Congualar il traffic public dal Tessin e dal Grischun na pon ins però betg. Il traffic public grischun n'è betg sulet in med da transport. Per il chantun Grischun ès il traffic in'attracziun turistica.
Il project per in bigliet gratuit per tut il chantun è cun quai scuà davent. Auters projects pitschens vegnan però examinà da l'Uffizi da traffic dal Grischun. In exempel per in tal ticket datti però en la Bregaglia. La san ins viagiar gratuit da Malögia fin a Chiavenna e da Promontogno a Soglio, sch'ins dorma pli che duas notgs en in hotel da la val.
RR actualitad 07:00