Ils nov giats èn vegnids chastrads dal veterinari da Lai. Ina part è vegnida dada ad ina pensiun d’animals, auters hajan ins laschà liber. Quai scriva Lukas Brian, il policist da vischnanca ch’è il responsabel per l’acziun. Ins haja era tschiffà intgins giats ch’eran gia chastrads, quels sajan puspè vegnids laschads libers.
Chantun beneventa acziun
L’acziun da chastrar giats vegn beneventada era dal chantun. En la publicaziun «Herrenlose und verwilderte Katzen» vegn infurmà, co agir sch’i dat memia blers giats ch’èn da nagin. En il Grischun è la chastraziun da giats selvadis en la responsabladad da las singulas vischnancas.
