Circa tschintg milliuns u passa 980'000 francs dapli ch’enfin ussa duai dar en l’avegnir cun la nova lescha. Quella è gia vegnida approvada dal cussegl communal. Tar in Gea dal suveran, duai la nova lescha ir en vigur sin l’entschatta da l’onn proxim.
Sco quai che Aron Moser, il president communal da Vaz, ha ditg envers RTR saja impurtant da pudair realisar la nova lescha.
Tranter auter per avair dapli pussaivladads a favur dal turissem e per distgargiar la cassa da la vischnanca che paja oz bleras prestaziuns che duain en l’avegnir vegnir finanziadas entras la taxa da turissem. Cun la nova lescha vegn er dada la pussaivladad da pudair realisar ina carta dal giast.