Per il club da velo Surses saja l'organisaziun d'ina etappa dal Swiss Bike Cup er ina buna chaussa per la cuminanza, raquinta Christian Züger, il president dal comité d'organisaziun. Sper il gudogn finanzial, na saja quai aspect betg da sutvalitar.
La lavur da preparaziun per cursas regiunalas saja betg bler pli pitschna, uschia ch'in tal event saja cumparegliabel. Senza sponsurs da la regiun e surtut senza ils voluntaris na saja l'organisaziun dentant betg pussaivla.
Quest onn han lieu divers eveniments da sport en la regiun. Quai haja era gì influenza sin la disponibilitad da las persunas che sa gidan. La fin finala saja dentant adina puspè bel da vesair ch'ins sa gida. Per Züger saja quai adina puspè ina satisfacziun, sco era da vesair il plaschair da tuts a las cursas dal Swiss Bike Cup. Davant u davos las culissas.
