Sin la ruta dal Güglia tranter Tusaun e l’Engiadina na dettia il mument nagina filiala dal Coop. Quest flatg alv sin la carta veglian ins ussa cuvrir cun bajegiar ina butia a Savognin, ha ditg sin dumonda dad RTR il pledader dal Coop Noah Horlacher.
I duess dar ina butia tenor il concept nov che lavuria cun bleras colurs, blera glisch e lain. Vitiers la butia duessi dar duas chasas cun spazi d’abitar e spazi per la mastergnanza. Fin la stad da l’onn proxim vul Coop inoltrar la dumonda da bajegiar, ina midada da zona na dovria quai nagina, ha ditg il pledader. Sche tut giaja tenor plan veglia Coop avrir la nova filiala l’atun dal 2028. A Savognin datti actualmain trais butias da victualias, numnadamain dus Volg’s ed ina filiala dal Spar.
Uriundamain èsi stà planisà da construir in hotel sin il terren ch’il Coop vul construir ina filiala. Quel project è dentant vegnì sistì la primavaira dal 2021.