A Spleia han ins chattà mort in giast da vacanzas, quai suenter in'acziun da tschertga. L'um da 49 onns n'era betg turnà sco planisà dad ina tura cun gianellas. Sinaquai aveva la partenaria da l'um alarmà la Polizia chantunala.
Sco la polizia scriva en sia communicaziun hajan ins immediat infurmà commembers dal CAS da la secziun Piz Platta sco era in helicopter da la Rega. Curt suenter las 19:00 uras ha la Rega lura vis l'um che na sa muveva betg pli, en territori maltransibel. Per raschuns da segirezza han ins pudì salvar la bara pir glindesdi a bun'ura.
La Polizia chantunala investighescha las circumstanzas da la disgrazia.
Ord l'archiv:
Il Salvament alpin svizzer trenescha per il cas urgent.
RTR novitads 11:00