Sco quai ch’il president communal Daniel Wasescha ha ditg, veglia ins sco emprim far ina maisa radunda cun tut ils involvids. Surtut da la vart dals chatschaders dettia resalvas.
Tema pervi da selvaschina
Tenor il guardiaselvaschina Armando Janett, fetschia la nova ruta engiu dal Piz Mitgel quitads. Quella vegnia en ina nova zona che cunfineschia cun in asil da selvaschina. Quai pudess muntar in disturbi per ils animals.
Sco quai che Geni Ballat, ch’ha gia il 2005 construì la senda enferrada, ha ditg, n’haja el nagina chapientscha per las resalvas dals chatschaders. La Val Surses vivia dal turissem. Cun la nova ruta engiu fissi era pussaivel da guntgir la ruta privlusa cun blera crudada da crappa.
L’onn 2017 era la senda enferrada vegnida serrada pervi da memia grond privel da crappa, quai sin la ruta diagonala.
