La radunanza communala da Vaz ha approvà il glindesdi il preventiv per l'onn che vegn. Quel quinta cun in gudogn da radund 3,6 milliuns francs, sco la FMR scriva. Plinavant han ils da Vaz era decis da laschar il pe da taglia tar 70% da la taglia chantunala simpla.
Il president communal Maurin Malär ha er infurmà davart projects actuals. Uschia haja la realisaziun dal center da seniors retard pervi da dus recurs. Plinavant veglian ins fundar ina fundaziun per construir emprimas abitaziuns a Valbella. Premissa è ch'il chantun accepta la revisiun totala da la planisaziun locala.
audio
Per tadlar: las novitads da las 07:00
ord RTR Audio dals 29.11.2023.
laschar ir. Durada: 4 minutas 51 Secundas.