A Pasqual (Paspels) en la Tumleastga è in giuvenil vegnì sut ses tractor. Durant ch'il giuven da 16 onns lavurava glindesdi cunter saira sin in prà è ses telefonin dà giu ed el ha tegnì airi. El è vegnì giu dal tractor. Lura saja il tractor puspè sa mess en moviment, scriva la Polizia chantunala.
Il giuven è vegnì sut la roda davos sanestra, e sut il fanader circular. Passants han lura udì ses cloms d'agid ed han clamà las forzas da salvament. In team dal salvament dal Grischun Central ha lura tgirà il giuven ed ha transportà il blessà en l'ospital chantunal a Cuira. Ensemen cun la procura publica investighescha la polizia chantunala uss l'andament da l'accident.
