Per sanar il provediment d'aua en la vischnanca da Muntogna da Schons ha la regenza garantì ina contribuziun chantunala da maximalmain 423'810 francs, quai scriva la regenza en ina communicaziun.
Il provediment d'aua da la vischnanca cumpiglia tschintg sistems independents. Pervia da lur vegliadetgna ston tscherts stabiliments vegnir sanads cun mesiras pli vastas. In dals stabiliments pertutgads è il reservuar Orta en la fracziun da Lon ch'è vegnì construì l'onn 1937.
Er contribuziun federala
La garanzia da la contribuziun chantunala premetta ina subvenziun tras la Confederaziun. L'Uffizi federal d'agricultura ha gia empermess ina contribuziun federala da var 470'900 francs. Ils custs totals da la sanaziun sajan radund 1,7 milliuns francs.