Meglra ustaria da l'Europa - Danovamain è il Schauenstein «be» segund
Danovamain n'hai betg tanschì sisum il podest dals megliers 100 restaurants da l'Europa per il Schauenstein a Farschno. Sco l'onn passà vegn l'ustaria dal cuschinier da renum Andreas Caminada sin plazza dus.
Legenda:
Suenter il 2018 è si'ustria a Farschno er quest onn il segund meglier da l'Europa.
RTR, Andreas Wieland
Sco meglra ustaria da l'Europa ha la giuria dal Opinionated About Dining OAD elegì il «Frantzén» da la Svezia. L'ustaria è averta pir dapi in onn e mez. Sin plazza trais è sco gia l'onn passà il local «Asador Etxebarri» da la Spagna.
«L'Arpège» da la Frantscha e l'ustaria «Quique Dacosta» tutgian tar las top diesch ustarias da l'Europa scriva OAD. Omaduas ustarias èn tranter las meglras diesch dapi il 2013 cura che la glista è cumparida per l'emprima giada.
Mintg'onn publitgescha OAD glistas dals megliers restaurants en diversas regiuns dal mund, davart ils experts han vuschà. Sin fundament da passa 6'000 valitaziuns è la glista il sulet guid d'ustarias mundial che resguarda sper la qualitad da las ustarias visitadas er il fund e l'experientscha dal giurader.
