Langwies - In champ multicultural e tuttina svizzer
Dapli che 750'000 burgais e burgaisas vivan oz en l'exteriur. Latiers tutgan era uffants. 42 dad els fan part d'in champ a Langwies che vegn organisà da la fundaziun per glieud giuvna en l'exteriur.
1 / 7
Legenda:
Buglia da bircher, tarscholas e chaschiel - l'ensolver tipic svizzer.
RTR, Gierina Gabriel
2 / 7
Legenda:
Entras gieus duain ils uffants emprender d'enconuscher lur patria.
RTR, Gierina Gabriel
3 / 7
Legenda:
Cun in puzzle duain ils uffants emprender d'enconuscher ils chantuns da la Svizra.
RTR, Gierina Gabriel
4 / 7
Legenda:
Placat cun translaziuns
Englais, franzos, talian, spagnol u tudestg vegn discurrì en il camp. Ils pleds relevants per il gieu ston uschia vegnir translatads.
RTR, Gierina Gabriel
5 / 7
Legenda:
Ditg na vai betg - il puzzle è schlià.
RTR, Gierina Gabriel
6 / 7
Legenda:
Decoraziuns d'emprim d'avust ed in brunch. Era a Langwies vegn la festa naziunala celebrada.
RTR, Gierina Gabriel
7 / 7
Legenda:
42 uffants da l'entir mund sin visita.
RTR, Gierina Gabriel
Emprender d'enconuscher lur patria u il lieu d'origin dals geniturs. Quai saja la finamira, explitgescha Sibylle Kyppeler, manadra dal champ per uffants svizzers che vivan en l'exteriur. Aifer duas emnas vegnan purschidas diversas activitads als uffants, sco per exempel in viadi sin il Jakobshorn a Tavau.
audio
Saira: Tge muntada ha la Svizra per ils Svizzer en l'exteiur
04:27 min, ord Actualitad dals 01.08.2019.
laschar ir. Durada: 4 minutas 27 Secundas.
La gruppa d'uffants saja maschadada, uschia Sibylle Kappeler. «Insaquants vegnan regularmain en Svizra per visitar lur famiglia. Auters èn qua per l'emprima giada. Per quels è la Svizra lura in pajais nunenconuschent.