La sonda avantmezdi èn duas persunas vegnidas blessadas pervi d'ina lavina sur Lai. Pliras gruppas da freeriders sajan stads da viadi dasper las pistas tar il Corn cotschen, sco la Polizia chantunala scriva. La polizia haja survegnì in alarm da lavinas en la regiun dal Corn alv. Sinaquai sajan il servetsch da salvament da pista, la Rega e la Polizia chantunala ids al lieu.
Ils servetschs da salvament han alura chattà duas persunas blessadas sin il cugn da lavinas. Ina dunna han ils involvids pudì deliberar, la Rega ha sgulà ella en l'ospital. Ina segunda persuna è sa blessada mo levamain ed è ida sezza tar il medi.