Il venderdi saira ils 24 da fanadur decida la radunanza communala da Surses, sche l’idiom surmiran duai vegnir reintroducì en la scola a Savognin. Avant circa in onn è l’iniziativa dal pievel vegnida inoltrada tar la vischnanca.
Gia il venderdi ils 26 da zercladur vegni anc a dar in’infurmaziun publica, scriva la vischnanca da Surses sin dumonda da RTR. L’infurmaziun succedia en collavuraziun cun il comité d’iniziativa. Sche l’iniziativa reussescha, alura pudess il surmiran returnar cun il cumenzament da l’onn da scola 2021/22 e quai per l’emprima classa.
