La vischnanca da Ziràn-Reschen lascha planisar la sanaziun da la via forestala Avas-La Tur. Quai ha decis la radunanza communala cun approvar il credit da planisaziun da 200'000 francs il venderdi saira. La finamira saja da chattar ina schliaziun a lunga vista, ha communitgà la vischnanca.
Tenor la vischnanca Ziràn-Reschen èsi necessari da tgirar il guaud sur il vitg. L'infrastructura na tanschia dentant betg pli per quai. Per planisar la sanaziun da l'infrastructura ha la suprastanza perquai dumandà per in credit per planisar la sanaziun.
En pli è la suprastanza communala puspè cumpletta. La radunanza communala ha elegì Marco Ganzoni sco nov suprastant.