Tut era pront per la tractanda elecziuns da la vischnanca burgaisa da Vaz. Nagin post vacant – ils burgais e las burgaisas avessan mo pli gì d'eleger. Durant la tractanda ha Roman Bergamin, l'actuar en uffizi, dentant annunzià da pli gugent far il cassier. Quai saja dentant betg vegnì decidì en la sesida da preparaziun, uschia ch'il president Marcus Lenz, n'è betg entrà sin quai giavisch.
Da vegnir durant la radunanza cun quai na va betg.
Roman Bergamin ha sin dumonda da RTR betg vulì respunder dapli davart ses motivs per quest pass surprendent.
En ina radunanza extraordinaria sto ussa vegnir elegì in actuar, il sulet post vacant suenter la radunanza ordinaria dals 25 da mars.
RR actualitad 12:00