Legenda:
Da san.: Andreas Zindel, indel United; Andrea ed Enrico Uffer, Uffer SA; Michael Hartweg.
ANR, Gion Nutegn Stgier
cuntegn
Grischun Central - Savognin: Uffer SA cun novs partenaris
La Uffer SA da Savognin expandescha e collavura en l’avegnir cun la Zindel United da Maiavilla e cun l'interprendider da finanzas Michael Hartweg. Quai ha la Uffer SA communitgà ad ina infurmaziun a las medias.
Proximamain vegn fundada ina nova firma cun tut ils trais partenaris. Il num da la firma n’è anc betg enconuschent. La nova collavuraziun duai nizzegiar las sinergias ed augmentar las capacitads da la construcziun da lain e la vendita.
L’investider Michael Hartweg ha tranter auter realisà la Chasa Nordica da l’Arena da biatlon a Lantsch. La Firma Zindel United da Maiavilla è in manaschi cun 330 collavuraturas e collavuraturs e cun ina svieuta annuala da bun 150 milliuns francs. La firma è sa spezialisada sin tut ils secturs da construcziun e transports.
