Legenda:
Il mument fan las temperaturas chaudas d'enfin diesch grads durant il di anc quitads a Giancarlo Torriani.
RTR, Federico Belotti
cuntegn
Grischun Central - Rona prepara ses pli grond eveniment d’enfin qua
Sonda e dumengia ils 18 e 19 da mars è a Rona il final dals juniors, ils «Helvetia Nordic Games». Quai è il pli grond eveniment, ch’igl ha dà enfin oz tar il center da passlung a Rona. Ils organisaturs quintan cun radund 600 participants.
Actualmain fa anc la mancanza da naiv quitads. Sco quai che Giancarlo Torriani, il president dal comité d’organisaziun ha ditg, ins saja però da buna speranza, che las curas da passlung pon vegnir manadas tras sco planisà.
Actualmain vegn la naiv dasperas la pista bittada cun schlavazzuns sin il percurs da bun 6 kilometers lunghezza. La gievgia vegn decidì definitivamain, sche las curas vegnan fatgas.
