Cun la regiun da Valbella ha Roger Federer ina relaziun tut speziala. Tras amis è el avant blers onns vegnì en il Grischun Central ed ussa, cun sia atgna famiglia sa senta el da chasa en Grischun. La natira, la quietezza, il pudair esser per sasez e tuttina esser manaivel da citads grondas e specialmain il caracter grischunais plaschan fitg bain ad el.
Dar enavos insatge
Cun sia «Roger Federer Foundation» haja el ussa pudì dar enavos insatge a sia nova patria. La rudelera surdimensiunada da l'artist Stefan Grünenfelder ch'è vegnida averta l'atun passà a Churwalden e che Roger Federer ha finalmain pudì visitar ussa persunalmain, saja in termagl ed in lieu ch'el vegnia er en futur a visitar, ha el ditg en rom d'ina pitschna avertura.
RR actualitad 08:00