- Custs: L’entir project ha custà 119 milliuns francs. Da quai ha la Confederaziun surpiglià dapli ch'in quart, numnadamain 33 milliuns francs.
- Spazi: La nova praschun porscha plaz a 152 praschuniers. Pervia da la mancanza generala da plaz en las praschuns Svizras, gioga la nova praschun ina rolla impurtanta surregiunala.
- Novas plazzas da lavur: 80 plazzas da lavur vegnan stgaffidas. Vinavant vegnan 30 plazzas da lavur transferidas da la praschun dal Sennhof. Uschia dat la nova praschun lavur a 110 persunas.
-
Bild 1 von 7Legenda: La nova praschun a Cazas Tignez. CDM -
Bild 2 von 7Legenda: CDM
-
Bild 3 von 7Legenda: Ina cella Uschia guarda ina cella en la nova praschun or. mad
-
Bild 4 von 7Legenda: Zuler Il zuler che maina en las cellas. mad
-
Bild 5 von 7Legenda: RTR, Sabrina Bundi
-
Bild 6 von 7Legenda: Er la ministra da giustia Karin Keller Sutter è stada da la partida oz a l'avertura da la praschun a Cazas. RTR, Sabrina Bundi
-
Bild 7 von 7Legenda: RTR, Sabrina Bundi
Suenter radund trais onns è la fasa da construcziun da la nova praschun a Cazas terminada. En il rom d’in act festiv ha il departament da construcziun, traffic e selvicultura surdà las clavs al departament da giustia, segirezza e sanadad. Quai tranter auter en preschientscha da la cussegliera federala Karin Keller-Sutter.
Emprims praschuniers entschatta 2020
Suenter ina fasa da test che dura fin la fin da l’onn, vegnan ils emprims praschuniers dischlocads dal Sennhof en la nova praschun l’entschatta da l’auter onn. Uschia po la veglia praschun a Cuira bainbaud serrar las portas.
RR novitads 10:00