-
Bild 1 von 5Legenda: La ruta passa tranter auter tar ils Flüaseen tranter Giuf ed il Stallerberg. RTR, Federico Belotti -
Bild 2 von 5Legenda: La collavuratura dal Parc Ela Irene Schuler maina il projekt Park Ela Trek. RTR, Federico Belotti
-
Bild 3 von 5Legenda: Il sboz da las diversas rutas, quai è dentant betg anc la ruta definitiva. mad
-
Bild 4 von 5Legenda: La Fuorcla da Faller è la quarta etappa da la ruta. RTR, Federico Belotti
-
Bild 5 von 5Legenda: Era Giuf a l'ur dal Parc Ela sa chatta a la ruta dal Park Ela trek. RTR, Federico Belotti
Tgi che vul far l’entira ruta dal Parc Ela Trek sto esser fit: Dapli che 200 kilometers ston vegnir pigliads sut ils pes en quellas 19 etappas, en tut vegnan surmuntads 15'000 meters d’autezza e quai cun in temp da viandar da passa 90 uras. Il Park Ela Trek nizzegia tut sendas da viandar existentas. Pernottà vegn en pensiuns u tegias existentas. Vitiers da nov vegnan ils lieus Alp da Stierva, in’acla sin il Pass dal Set, l’Alp d’Err, Stugl, Jenisberg e la Villa Luna al Leg da Grevasalvas. Plaz duessi dar per mintgamai 6 – 10 persunas.
Sustegn da diversas varts
Per l’entir project datti in sustegn finanzial da vischnancas, chantun e confederaziun e da las societads d’alp. Per la planisaziun dals divers projects per il svilup regiunal stattan a disposiziun 170’000 francs. La fin da settember vegnan ils divers projects parzials ed ils plans da fatschenta surdads a la Confederaziun e sche tut va tenor plan duess il Park Ela Trek vegnir avert l’onn 2021.
RR actualitad 11:00