Sco quai ch’il president dals Fetters Sursetters Fernando Bonifazi ha ditg, sajan quest onn 13 guggas da la partida. Ins haja betg inventà da nov l’occurenza da tradiziun, ins veglia cuntinuar cun il concept ch’haja sa cumprovà, midadas dettia quai mo paucas. En tut sa participeschan dapli che 500 persunas a l’eveniment. Quel cumenza sonda ils 10 da favrer il suentermezdi a las trais sin plazza Grava, la saira a partir da las otg cumenza la concurrenza da guggas en sala Grava. La dumengia èn las guggas a partir da las 11 a Tigignas en il territori da skis.
![Fernando Bonifazi, il president dals Fetters Sursetters.](https://www.rtr.ch/static/cms/images/960w/beec52.jpg)