Grischun Central - Lai: Guaud magic festivescha giubileum da 5 onns
Gia per la tschintgavla giada traglischa quest onn il guaud magic. La cumbinaziun da glischs, fiera da Nadal e concerts ha lieu quest onn dals 15 fin ils 30 da december, scrivan ils organisaturs en ina communicaziun.
Il Guaud magic da quest onn duai daventar anc pli attractiv. Uffants duaian per exempel pudair interagir dapli tar las installaziuns da glisch e cun in nov partenari duai la qualitad da la purschida da mangiar als stans vegnir optimada.
Legenda:
Il comité d'organisaziun, da san.: Giancarlo Palliopi, Primo Berera, Claudia Züllig.
mad
Blers concerts
Concerts datti quest onn da Dada Ante Portas, Stiller Has, Anna Känzig, Baba Shrimps, James Gruntz e Troubas Kater. Ils puncts culminants da quest onn sajan la gruppa bernaisa Züri West e Dodo, scrivan ils organisaturs. L’onn passà han dapli che 30’000 persunas visità il Guaud magic a Lai – trais giadas dapli che l’onn da la premiera.
