Legenda:
La regenza sustegniss era ina fusiun cun mo trais vischnancas.
RTR, F. Belotti
cuntegn
Grischun Central - Fusiun cun 3 enstagl 4 vischnancas en Valragn è pussaivla
Venderdi saira è vegnida refusada la fusiun da las quatter vischnancas en Valragn, perquai che Sufers ha ditg na al project da fusiun. Mesemna s’inscuntra la gruppa da project, per discutar davart il proxim agir.
Sco quai che Barbara Janom-Steiner, la scheffa dal departament da finanzas e vischnancas ha ditg envers RTR, sustegness la regenza era ina fusiun cun mo trais vischnancas. Il sustegn da la regenza fiss dentant pli bas. 4.1 milliuns francs avess la regenza pajà per ina fusiun da quatter vischnancas.
