Legenda:
Peduzzi survegn nov possessur.
RTR, Tona Poltera
cuntegn
Grischun Central - Forza giuvna per mazlaria da tradiziun
Il futur da la mazlaria Peduzzi a Savognin è segirada. David Steier surpiglia a partir dal matg il manaschi da tradiziun. Cun ses 28 onns è el in dals giuvens impressaris surmirans.
David Steier surpiglia il manaschi da tradiziun da Pietro Peduzzi e vuless manar enavant la mazlaria cun vinavant dar paisa a qualitad e tradiziun, ha il giuven Surmiran da 28 onns tradì ad RTR. El saja bain conscient da la gronda responsabladad e da la chargia – vesa dentant surtut las schanzas che sa dattan. Il cuschinier e mazler giuven vuless – sco enfin ussa – persvader la clientella cun qualitad. Quai saja tenor el il punct d'avantatg d'ina mazlaria pitschna.
