Sco quai ch’il president communal da Cazas Mario Kollegger ha ditg, vegnia el ensemen cun la suprastanza a decider entaifer ils proxims dus mais, sch’ins veglia lubir era en l’avegnir talas cursas. El haja chapientscha per las differentas reclamaziuns ch’igl haja dà, i saja però era da vesair che las cursas da moto cuzzian mo duas dis. «Sch’igl è insanua ina festa da tir, alura datti canera durant quatter fin tschintg emnas canera, qua tar nus è la canera sa concentrada sin dus dis», uschia il president communal.
Repetiziun planisada era il 2016
Il president dal comité d’organisaziun da la cursa da Supermoto spera, ch’e l’auter onn ins possia puspè manar tras ina cursa da töfs a Cazas. Dasperas la lubientscha da la vischnanca da Cazas, dovra quai anc la lubientscha dal chantun. Quel po lubir cursas da töfs enfin 250 cubics. Per vehichels pli gronds èsi en Svizra scumandà, da manar tras cursas da cirquit.