Legenda:
Las loipas da Bivio èn il mument en in fitg bun stadi.
RTR, Federico Belotti
cuntegn
Grischun Central - Emprima cursa populara da passlung a Bivio
A la «Coppa Surses» èn s’annunziadas fin ussa radund 70 persunas. Per Gian-Marco Thomann, il patrun da l’affar da sport Good Time e cuniniziant da la cursa populara è quai in success. La cursa è la dumengia ils 9 da favrer.
L’idea saja da far mintg’onn ina cursa populara en il Surses, quai na stoppia dentant betg adina esser Bivio. Alternant possian ins era far la cursa a Rona u a Savognin, uschia Thomann.
Tar la Coppa Surses datti trais categorias
Ils uffants partan a las 11:00 sin in percurs dad 1 kilometer. Ils giuvenils fan 3 kilometers e partan a las 14:00 ed ils creschids partan a las 15:00 sin in percurs da 6,2 kilometers.
