Grischun Central - Demissiun in corpore en la plaiv Alvra
L’entira suprastanza da la plaiv catolica Alvra è sa retratga. Gia suenter l'ultima radunanza eran sa retratgs dus dals suprastants. Uss èn sin la fin da fanadur sa retratgs il president Werner Wind ed ils dus suprastants restants.
1 / 2
Legenda:
Mo in terz da las votantas e votants ha la fin dal zercladur anc gì fidanza en la suprastanza restanta.
RTR, Federico Belotti
2 / 2
Legenda:
Ussa èsi definitiv: L’entira suprastanza sa retira – a la davosa radunanza da la plaiv n’era quai betg anc definitiv: Sin la foto è tranter auter da vesair il president partent Werner Wind (entamez) e vi dal microfon l’anteriura suprastanta Adelheid Hohlwegler-Augustin.
RTR, Federico Belotti
ll president argumentescha sia demissiun cun la davosa votaziun consultativa, nua che mo pli in terz da las votantas ed ils votants han demussà lur confidenza a la suprastanza actuala. Quai scriva Werner Wind a la cumissiun da gestiun. Quella tschertga ussa interessentas u interessents per la nova suprastanza. Nagin dals responsabels è stà a disposiziun per prender posiziun en chaussa.
En la plaiv Alvra hai dà il davos temp discordias, tranter auter pervi da l’anteriura uniun «Quell des Lebens», ch’è stada responsabla temporarmain per la pastoraziun en la plaiv Alvra.