-
Bild 1 von 7Legenda: L'interess per il turnier da giubileum è stà grond. RTR, F. Belotti -
Bild 2 von 7Legenda: Era Giancarlo Torriani, suprastant da la nova vischnanca Surses, è sa participà al turnier. RTR, F. Belotti
-
Bild 3 von 7Legenda: Carmen Müller-Schäfer gioga oz mo pli sco hobi a curling, quai dentant anc adina cun bler talent. RTR, F. Belotti
-
Bild 4 von 7Legenda: Titel Las campiunessas mundialas ensemen cun commembers dal Club da curling Savognin. RTR, F. Belotti
-
Bild 5 von 7Legenda: Da san: Hans Trenkwalder, Damian Dosch, Conrad Plaz e Romeo Giovanoli dal Club da Curling Savognin. RTR, F. Belotti
-
Bild 6 von 7Legenda: Carmen Müller-Schäfer (sanester) e Janine Greiner, campiunessas mundialas 2012 e victuras da bleras medaglias. RTR, F. Belotti
-
Bild 7 von 7Legenda: Ina fotografia or da l'archiv che penda en il local dal Club da curling a Savognin. mad
Il turnier da giubileum ha gì ina visita prominenta: Carmen Müller-Schäfer e Janine Greiner, duas campiunessas mundialas ch’èn sa participadas ad olimpiadas ed han gia gudagnà pliras medaglias tar il campiunadi d’Europa. Al turnier da giubileum èn sa participadas 10 squadras cun mintgamai quatter giugadras e giugaders.
Umens battan las dunnas
Gudagnà il turnier ha il team dal skip Romeo Giovanoli, ch’ha giugà cun Damian Dosch, Franz Koller e Marcel Plaz. Sin plazza dus è vegnì Florian Unterkalmsteiner (skip), cun Carlo Guetg e Fabian Huber. Sin plazza trais è Conrad Plaz (skip), cun Mia Guetg, Simona Behrens e Hans Trenkwalder.
Per las campiunessas mundialas n’hai betg tanschì per in plazs sin il podest. Tenor il president dal Club da Curling Savognin, Conrad Plaz, haja quai da far cun las temperaturas chaudas dal suentermezdi, sch’hajan fatg grev da giugar. Sco quai ch’el scriva, fissi stà pli simpel da giugar sin in glatsch artificial. Il turnier saja però stà fitg bel ed haja plaschì a tuts, uschia Conrad Plaz vinavant.