![Tgi sa sche quest pignol sa tschenta en ina stiva en Surses?](https://www.rtr.ch/static/cms/images/960w/721f4c.jpg)
![In lavurer forestal taglia in pignol.](https://www.rtr.ch/static/cms/images/960w/17ea42.jpg)
![Il tagl per resgiar in pignol da Nadal vul esser bain preparà.](https://www.rtr.ch/static/cms/images/960w/ce4cfa.jpg)
![Uss è il pignol prest pront per beneventar ses nov possessur.](https://www.rtr.ch/static/cms/images/960w/a4f195.jpg)
Bun 1,2 milliuns pignols da Nadal natirals chattan mintg’onn la via en las stivas svizras. La gronda part da quest pignols, numnadamain 60%, vegnan importads da l’exteriur. Els arrivan da pajais sco il Danemarc, la Svezia u la Germania. Quels pignols pon ins lura cumprar en las stizuns.
Persunas che van anc sezzas en il guaud a la tschertga dal pignol adattà, èn pli e pli stgarsas. Ils lavurers da l’uffizi forestal da la vischnanca da Surses han dentant anc la l'incumbensa d'ir en il guaud per pignols.
-
audioPer tgi èn quests bostgins da Nadal05:40 min, ord Actualitad dals 20.12.2016.laschar ir. Durada: 5 minutas 40 Secundas.
-
audioBunura: I dovra experientscha da chattar il dretg pignol da Nadal04:11 min, ord Actualitad dals 20.12.2016.laschar ir. Durada: 4 minutas 11 Secundas.
-
audioPignol da Nadal part 103:40 min, ord Actualitad dals 20.12.2016.laschar ir. Durada: 3 minutas 40 Secundas.
-
audioSaira: Pignols indigens – nagina istorgia da success pli03:16 min, ord Actualitad dals 20.12.2016.laschar ir. Durada: 3 minutas 16 Secundas.
Pignols pigns u pignols gronds. Ils giavischs dals convischins da la vischnanca da Surses èn differents. Ils lavurers emprovan natiralmain d’ademplir ils giavischs e da chattar per mintgin il pignol da Nadal adattà.
Bun 75 pignols or dal guaud en Surses
Per ils emprims pignols è l’uffizi forestal gia stà l’entschatta dal mais december. Fin oz hajan els resgià bun 75 tocs, di Pascal Murbach, manader da l’uffizi forestal da Surses.
Quai è dentant mo bun in terz da tut ils pignols che vegnan era empustads. Bleras persunas veglian numnadamain il pign da Nordmann. Quests pignols na datti betg en ils guauds indigens, perquai cumpra la vischnanca da Surses quests pignols e venda alura els als abitants.
![A la tschertga da pignols da Nadal en Val Medel](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F12%2F5e42864dab8243128f27b37f68392ac7.png&format=jpg&width=960)
![Resgiar gratuit l'agen pignol a Mustér](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F12%2Fadbc0924e54d4c258692bdf64bca51b9.png&format=jpg&width=960)
RR actualitad 08:00