La regenza ha approvà la revisiun parziala da la planisaziun locala da la vischnanca da Sufers per realisar ina chascharia cun integrà ina bieraria pitschna. Quest project duai pussibilitar, da vender products agriculs producids al lieu ed en la regiun en in'ustaria sco er en ina butietta .
La chascharia è in dals projects per il svilup regiunal (PSR) e vegn purtada da l'uniun «PSR Beverin». Tut en tut custa quest project 3,17 milliuns francs e vegn cofinanzià dal chantun.