Cresta, ina culegna sper Cazas ha da raquintar ina massa als archeologs. Cun esser construì en ina sfessa e cun esser ars pliras giadas è il material scientific da fitg buna qualitad. Er sche las excavaziuns èn vegnidas fatgas tranter il 1947 e 1970, cumpara quest dis la pli nova publicaziun.
Dal 1947 enfin il 1970 èn vegnidas fatgas las excavaziuns a Cresta. Quai anc dal Museum naziunal svizzer e da l'universitad da Turitg. La culegna sper Cazas vala sco lieu unic en Svizra per l'archeologia.
audio
Bunura: Cazas, Cresta e la cheramica – Publicaziun davart excavaziuns
02:59 min, ord Actualitad dals 25.01.2017.
laschar ir. Durada: 2 minutas 59 Secundas.
Las chasas da la culegna èn arsas adina puspe e las novas chasas èn vegnidas reconstruidas sin las restanzas.
Uschia po vegnir documentada l'istorgia cumpletta da 1'500 onns senza interrupziun. La pli nova publicaziun sa fatschenta cun la cheramica che mussa il svilup e l'influenza dal sid ma era dal nord.