Grischun Central - Bravuogn resta vischnanca bilingua
Radund 20% da la populaziun da Bravuogn discurra rumantsch. Quai mussa ina retschertga che la vischnanca ha fatg. 90% sajan sa participads vi da la retschertga, scriva la vischnanca en ina communicaziun. Quest resultat munta, che la vischnanca vala vinavant sco bilingua.
L’onn 2000 discurrivan anc 26.7% rumantsch a Bravuogn. La retschertga actuala è vegnida fatga en connex cun la fusiun planisada cun Filisur. Tge rolla ch’il rumantsch vegnia ad avair en la vischnanca fusiunada, vegnia proximamain discutà entaifer la gruppa da project da fusiun, ha ditg Peter Nicolay, il president communal da Bravuogn.
