A la saira d'infurmaziun da sonda a Bravuogn èn vegnids enconuschents ils detagls. Cun la nova lescha pudessi mintg'onn dar 120'000 francs entradas supplementaras per il turissem. Ils meds supplementars duessan tranter auter vegnir duvrads per ulteriuras prestaziuns da la carta dals giasts. Plinavant datti ideas, da far pli attractiva la pista da scursalar da Preda a Bravuogn, e da commerzialisar meglier il viaduct dal Landwasser.
Ferma critica
A la saira d'infurmaziun hai dà gronda critica da possessurs d'abitaziuns secundaras. L'augment dals custs d'enfin 40% saja memia aut, uschia il tenor a Bravuogn. Critica hai era dà cunter las taxas che vegnan differenziadas. A Filisur, Stugl e Preda valan taxas pli bassas che a Bravuogn.
RR novitads 20:00