Grischun Central - Archiv cultural Cazas preschenta 150 cudeschs da cuschinar
15 museums ed instituziuns culturalas da la regiun Viamala han avert la fin d’emna lur portas, quai a chaschun dal di internaziunal dals museums da dumengia. RTR ha visità l’archiv cultural da Cazas a Tartar, ch’ha mussà cudeschs da cuschinar da l’Europa dals davos 250 onns.
Il cudesch da cuschinar il pli custaivel da l’archiv cultural da Cazas è vegnì scrit tranter ils onns 1770 e 1790. Sco quai che Herbert Patt ha ditg saja il cudesch vegnì chattà en ina chasa veglia a Tartar. En il cudesch èn da leger recepts scrits a maun da charn e desserts.
Il di internaziunal da museums ha lieu mint’gonn. L’onn passà han en l’entira Svizra prest 40’000 persunas visità l’occurrenza, ed actualmain sa participeschan radund 250 museums Svizzers al di internaziunal dals museums.
audio
Bunura: Cazas avra ses stgazi da cudeschs da cuschinar