Legenda:
La chascharia a Savognin è vegnida en ils onns e stuess vegnir renovada.
RTR, F. Belotti
cuntegn
Grischun Central - Anc nagina soluziun per chascharia Savognin
Ils purs da la Societad da chascharia Savognin e conturn èn s’inscuntrads venderdi saira ad ina sesida da crisa. Ina soluziun na datti però anc nagina, co ch’i duai ir enavant senza la locataria Bergsenn SA a partir da l’auter onn.
Legenda:
Actualmain lavuran nov persunas en la chascharia cun butia a Savognin.
RTR, F. Belotti
Quest’emna è vegnì enconuschent, che la Bergsenn SA, ina figlia da la Migros, na vul
betg prolungar il contract da fittanza
che scada la fin da quest onn. Ils purs da Savognin n’han betg anc decidì, sch’els vulan acceptar il nov contract da latg da la Bergsenn SA. Quella vul cumprar vinavant il latg dals purs, però elavurar quel a Mustér en la Sennaria Surselva. Sco quai che Luzi Steier, il president da la Societad da chascharia Savognin ha ditg, ins speria che la chascharia na stoppia betg vegnir serrada l’auter onn, el spera da chattar in nov fittadin per la chascharia.
