Grischun Central - Alvagni ha ina nova punt pendenta
Dumengia è vegnida inaugurada ina nova punt che traversa la Val digl Guert. La punt ha ina lunghezza da 53 meters ed è in meter largia. L'autezza maximala è 17 meters. Ils custs muntan a radund 170’000 francs. Cun bellezza aura èn bleras persunas suandadas l'invit da la vischnanca Albula/Alvra.
1 / 18
Legenda:
La firma Cresta Geo ha construì la punt.
RTR, Federico Belotti
2 / 18
Legenda:
La punt vegn inspectada d'in visitader.
RTR, Federico Belotti
3 / 18
Legenda:
La nova punt è fitg stabila uschia ch'i na dat nagina limita da persunas che pon traversar la punt.
RTR, Federico Belotti
4 / 18
Legenda:
Quai è la vista da la punt en direcziun Surses.
RTR, Federico Belotti
5 / 18
Legenda:
Il decan Kurt Susak ha benedì la punt.
RTR, Federico Belotti
6 / 18
Legenda:
Durant l'inauguraziun, da san.: David Baselgia, Cresta Geo; Rico Liesch da la suprastanza Alvra; Daniel Albertin, president communal Alvra.
RTR, Federico Belotti
7 / 18
Legenda:
Durant la benedicziun da la punt.
RTR, Federico Belotti
8 / 18
Legenda:
Durant la benedicziun.
RTR, Federico Belotti
9 / 18
Legenda:
La nova punt pendenta è vegnida construida gia l'atun passà.
RTR, Federico Belotti
10 / 18
Legenda:
Vista en direcziun alp digl Guert.
RTR, Federico Belotti
11 / 18
Legenda:
Il president communal da la vischnanca Albula/Alvra è losch sin la nova punt.
RTR, Federico Belotti
12 / 18
Legenda:
Tgi che vul po s'inscriver en il cudesch da la punt.
RTR, Federico Belotti
13 / 18
Legenda:
Ils visitaders èn vegnids en rotschas.
RTR, Federico Belotti
14 / 18
Legenda:
La festa d'inauguraziun ha gì lieu tar las Aclas Dafora sur Alvagni.
RTR, Federico Belotti
15 / 18
Legenda:
Tar las Aclas Dafora hai dà ina messa dal plevon Kurt Susak.
RTR, Federico Belotti
16 / 18
Legenda:
Thomas Kollegger da la Huusmusig Kollegger suna la tiba.
RTR, Federico Belotti
17 / 18
Legenda:
Daniel Albertin, il president communal da la vischnanca Albula/Alvra durant ses pled.
RTR, Federico Belotti
18 / 18
Legenda:
Vista sin la nova punt pendenta.
RTR, Federico Belotti
La punt maina da las Aclas Dafora d’Alvagni en direcziun da Brinzauls u en direcziun da l'Alp digl Guert. L’idea da construir ina punt pendenta sur l’aual digl Guert va enavos sin in’iniziativa. Il passagi sur l’aual saja pli baud adina stà fitg difficultus. La senda da viandar veglia passava la Val digl Guert pli bass che oz. E la primavaira era il passagi savens destruì.
audio
Bunura: Nova punt pendenta sur Val digl Guert è inaugurada
03:44 min, ord Actualitad dals 03.06.2019.
laschar ir. Durada: 3 minutas 44 Secundas.
Iniziativa da possessurs dad aclas
Possessurs dad aclas han lantschà in’iniziativa che pretenda che la vischnanca tschertgia ina nova soluziun. Tenor il president communal da la vischnanca Albula/Alvra Daniel Albertin hajan ins constatà ch'ina punt pendenta saja la meglra soluziun per in bun passagi per bikers e viandants.