I spetga ina fin d’emna plain acziun a Lai. Ils megliers mountainbikers sco era ils megliers ciclists da downhill dal mund cumbattan a Lai per plazzas da podest.
Durant l’entira fin d’emna vegnan spetgads radund 15’000 aspectaturs che vulan guardar las abilitads da Nino Schurter e co. En mintga cas dastgan ils ciclists sco era il aspectaturs sa legrar sin ina fin d'emna cun bler sulegl e temperaturas da stad.
Era il comité d’organisaziun ha plaschair da las aspectativas e sa legra sin ina buna fin d’emna cun usché paucs accidents sco pussaivel. Quai ha ditg Reto Laim, responsabel per las cassas sin l’entir areal da la cuppa mundiala, a RTR.
-
Bild 1 von 8Legenda: Avant las qualificaziuns èsi plitost ruassaivel tar la staziun da val Rothorn a Lai. RTR, Silvana Degonda -
Bild 2 von 8Legenda: Differents teams èn preschents cun stans. RTR, Silvana Degonda
-
Bild 3 von 8Legenda: Era quest onn sa mesiran ils megliers mountainbikers dal mund a Lai. La fotografia mussa la cursa dal 2015. Keystone
-
Bild 4 von 8Legenda: Lavar il velo sto er esser. RTR, Silvana Degonda
-
Bild 5 von 8Legenda: Era suenter ch'ils emprims arrivan... RTR, Silvana Degonda
-
Bild 6 von 8Legenda: ...hai anc betg blers aspectaturs il venderdi suentermezdi a Lai RTR, Silvana Degonda
-
Bild 7 von 8Legenda: Er ils pitschens mountainbikers pon anc mussar tge ch'els san. RTR, Silvana Degonda
-
Bild 8 von 8Legenda: Las ristgas da las cursas da downhill n'ên betg da sutvalitar... RTR, Silvana Degonda
Gia avant bun in’emna han cumenzà las lavurs da construcziun. En acziun èn radund 30 persunas da l’armada e var 200 voluntaris.
Impressiuns da Lai
RR actualitad 11:00