Grischun Central - 800 onns urden Dominican

Scolar è ina da las pitgas da l'urden da las Dominicanas. La claustra da Cazas è la pli veglia en Grischun e dastga guardar enavos sin ina lunga tradiziun da furmaziun. La priura sora Agnes Brogli punctuescha dentant era, che la midada è ina constanta en l'istorgia da la claustra da Cazas. Per lur cuminanza saja il s'adattar a novas situaziuns ed a las sfidas dal preschaint indispensabel per savair porscher la scola.

Il mument èn 43 scolaras e scolars en la scola s. Catarina. Ins saja occupà cumplettamain raquinta sora Agnes. Ils davos dus onns saja era la purschida da curs da tudestg per requirents d'asil minorens vegnida impurtanta.

Sonda ils 10 da settember avran las Dominicanas las portas da la clausura er schi la claustra da Cazas saja schon adina stada ina claustra averta per tuts.