Legenda:
Savognin (foto) u Tinizong-Rona ston dir gea a la fusiun per che quella possia ir en vigur.
RTR, F. Belotti
cuntegn
Grischun Central - 8,8 milliuns francs per la fusiun Surses
L’emprima saira d’infurmaziun davart la fusiun Surses ha lieu mardi saira. L’entschatta fa Salouf e suenter las autras vischnancas da la vallada. Davart la fusiun datti gia intginas novitads.
La regenza sustegna la fusiun da Surses cun 8,8 milliuns francs sche tut las 9 vischnancas dian gea a la fusiun.
La fusiun giess en vigur sin l’entschatta dal 2016 sche almain sis da nov vischnancas approveschan la fusiun.
Tenor ina intervenziun da la regenza, sto ina da las grondas vischnancas actualas dir gea a la fusiun, quai èn u Savognin u Tinizong-Rona. Il pe da taglia duai vegnir fixà sin 100% da la taglia chantunala simpla.
