-
Bild 1 von 7Legenda: Las participantas ed ils participants dal curs cun la scolasta Zegna Pittet-Dosch (5avla dal maun dretg) e Linda Netzer dal labor d'ideas Anim (5avla da la vart sanestra). RTR, Federico Belotti -
Bild 2 von 7Legenda: Dapi trais onns emprenda Elisabeth Schwarz da Cuira Surmiran. RTR, Federico Belotti
-
Bild 3 von 7Legenda: La mamma dad Irene Amsler da l'Argovia è da Cunter. RTR, Federico Belotti
-
Bild 4 von 7Legenda: Peter Kaufmann abita dapi nov onns a Mon, ed el vul emprender meglier la lingua nua ch'el abita. RTR, Federico Belotti
-
Bild 5 von 7Legenda: Annalies Steiger da Langnau am Albis viva gia per part en il Surses. RTR, Federico Belotti
-
Bild 6 von 7Legenda: Las diesch participantas e participants han visità «Anim», il labor d’ideas a Savognin. RTR, Federico Belotti
-
Bild 7 von 7Legenda: Las diesch participantas e participants han visità «Anim», il labor d’ideas a Savognin. RTR, Federico Belotti
10 persunas visitan actualmain il curs da repetiziun e conversaziun. Raschuns per emprender rumantsch datti diversas. Elisabeth Schwarz da Cuira per exempel ha plaschair vi da linguas. Ella è da l’avis, ch’ins stoppia chapir in zic da la quarta lingua naziunala Svizra. Per il surmiran è ella sa decidida perquai ch’in ami da l’Engiadina ha ditg ad ella ch’il Surmiran saja il pli bel idiom rumantsch, tge ch'ella conferma.
Annalies Steiger da Langnau am Albis è pensiunada, e viva ussa per part era en il Surses. Per pudair communitgar meglier cun sia parentella en il Surses, fa ella il curs da stad da rumantsch. Ella visita dentant era regularmain ulteriurs curs da surmiran.
Famiglia en il Surses
Irene Amsler da l’Argovia ha medemamain parents en il Surses, uschia visita ella gia dapi divers onns ils curs da stad da rumantsch a Savognin. Ma betg mo en il Surses dovria ella il rumantsch: Regularmain s’inscuntria ella cun amias dal curs da stad giu en la bassa tar café e turta, nua ch’i discuteschan per rumantsch e legian era ina giada in text en rumantsch, ha ella ditg.
Era Peter Kaufmann ch’è emigrada dal chantun Turitg a Mon avant nov onns, fa il curs da rumantsch. Cun emprender rumantsch possia el s’identifitgar meglier cun la cultura indigena, ha el ditg.
RR actualitad 07:00