Legenda:
Da sanester: Curdin Capaul, Christian Rathgeb e Marcel Cathomen, president GRTV.
RTR, F. Belotti
cuntegn
Grischun Central - 4656 annunzias per la festa da gimnastica chantunala
En 3 mais è la festa da gimnastica chantunala a Tusaun. Ella ha lieu en il conturn tranter la staziun ed il pausadi da l’autostrada. Per l'organisaziun stattan a disposiziun 1,1 milliuns francs.
4656 annunzias èn gia vegnidas inolgradas. Curdin Capaul il president dal comité d’organisaziun è cuntent cun quest dumber, quai malgrà ina gronda concurrenza d’autras occurrenzas sportivas ch'èn il medem temp.
Anc manchian però voluntaris, bun dus terzs hajan ins ensemen. President d’onur è il cusseglier guvernativ Christian Rathgeb.
L’occurrenza ha lieu dals 10. – 12. da zercladur 2016. Ils organisaturs quintan era cun 3’500 visitadras e visitaders. I dat era in program da festa musical.
