-
Bild 1 von 3Legenda: Clavads sco quest qua duain vegnir renovads, senza dentant da far abitabels. mad -
Bild 2 von 3Legenda: La saira d'infurmaziun è stada bain visitada. RTR, Federico Belotti
-
Bild 3 von 3Legenda: Robert Heinz declera l'intent da la fundaziun. RTR, Federico Belotti
In clavà ad Avras Podestatenhaus, in ad Avras Cröt ed in terz ad Avras Campsut duain vegnir renovads. Cun quels trais clavads vul la fundaziun rimnar emprimas experientscha, e suenter mintg’onn renovar ulteriurs trais clavads.
Tgenins che quai vegn ad esser, decida la fundaziun ensemen cun ils possessurs interessads. Las renovaziuns duain segirar l’avegnir dals clavads per ina proxima generaziun.
Clavads n'èn vinavant betg abitabels
Tar las midadas na sa tracti dentant betg d’ina midada d’utilisaziun, ma simplamain da salvar las stallas betg abitadas da la decadenza. La fundaziun «Avers Ställe» surpiglia 90% dals custs. Il possessur dal clavà paja 10% u maximalmain 10’000 francs.
Daners sajan avant maun per divers projects a lunga vista. Novs donaturs na vegnian betg tschertgads, ha ditg il deputà dal Cussegl grond e president da la fundaziun Robert Heinz. Al cussegl da fundaziun fan plinavant part il president communal d’Avras Kurt Patzen, l’interprendider Valentin Luzi da Ziràn, il pur Richard Luzi da Podestatenhaus, il pèr da fotografs Bruno e Franziska Mancia-Bodmer da Turitg/Am Bach sco era il deputà dal Cussegl grond Reto Crameri.
Link
RR actualitad 07:20