![Unfall Susch](https://www.rtr.ch/static/cms/images/960w/46431f.jpg)
Tar in accident da moto sin il pass dal Flüela è ina dunna sa blessada grevamain.
La dunna che seseva si davos la moto è crudada per terra, cura ch'il motociclist è charrà sur in crap ch'era sin via. La collisiun vehementa ha chaschunà che la dunna da 59 onns è ruschnada giu da la pitga dal pe ed ha pers l'equiliber. Malgrà ina franada immediata è ella crudada dal töf ed è sa blessada.
In team da Zernez ha tgirà la dunna cun medischina d'urgenza en il lieu. Ella saja vegnida transportada cun la Rega en l'ospital a Tavau, communitgescha la Polizia chantunala.