La vischnanca da Farera venda immobiglias communalas per augmentar la liquiditad. La radunanza communala ha approvà plirs objects che la suprastanza aveva evaluà – las propostas eran duas aclas, la chasa da scola da Calantgil e l'ustaria Alpenrose.
Plinavant ha la radunanza communala decis da prolungar il contract da fittanza per il camping Magic Wood per in onn. Durant quest temp duai vegnir evaluà da rudent, cun tge model cuntinuar. En discussiun è tranter auter che la vischnanca maina il camping. Era da vender il campadi è ina opziun, sche mesiras da sustegn na vegnan betg approvadas dal chantun.
La finala ha la radunanza approvà il reglament da parcar communal ed in crowdfunding per gidar tar la finanziaziun da la sanaziun da la punt «Pro Sur Ragn».