Cura che la scola rumantscha renovada è vegnida averta avant set onns gievan radund 70 scolars e scolarets en scola da Lantsch. Actualmain èn quai tschintg dapli che lura ed en trais onns ins quinta cun 90 scolars e scolarets che van a Lantsch a scola. Perquai ha il consorzi da scola Val Alvra Dafora ussa empustà in provisori per ils proxims otg onns, che vegnia installà gist dasper la scola existenta. Sco quai che Gaby Ulber, la presidenta dal cussegl da scola e vicepresidenta communala da Lantsch ha ditg, n'haja ins tar la planisaziun da la renovaziun betg anc pudì vesair ordavant, ch’il dumber da scolars pudess in decenni pli tard s’augmentar per prest in quart.
cuntegn
Engrondiment scola Lantsch Pervi d’in boom da pops è la scola memia pitschna
Dentant che bleras vischnancas cumbattan cunter la depopulaziun, para la situaziun a Lantsch dad ir en in’autra direcziun. La scola ch’è avant set onns vegnida renovada ed engrondida per 9 milliuns francs, è gia memia pitschna.
Parter
audio
ord Actualitad dals 29.05.2020.
laschar ir. Durada: 2 minutas 36 Secundas.
Lantsch: Scola vegn engrondida
RTR actualitad 12:00
Parter