Il Servetsch archeologic dal Grischun lantscha in project cun il titel CUMBAT che cuzza plirs onns. El tracta las diversas scuvertas en la regiun da la chavorgia dal Crap Ses tranter Casti e Cunter. Ils emprims dus onns è previs da sfugliar il territori dal chat. Suandar duai in'evaluaziun vasta plus in'exposiziun en il Surses da tut quai ch'è vegnì chattà. Partenaris dal Servetsch archeologic Grischun èn l’universitad da Basilea, la Gruppa da lavur prospecziun Svizra, l'Uffizi federal da cultura ed atras instituziuns.
Stilet roman rar cun ritgs ornaments
Gia dapi var 20 onns èsi enconuschent ch'igl ha probablamain dà avant passa 2000 onns in cumbat tranter legiunaris romans e Rets indigens en il territori da la chavorgia dal Crap Ses tranter Casti e Cunter. L'onn 2019 han ins chattà – ultra d'artefacts da guerra antics – in stilet roman rar cun ritgs ornaments. Quest chat extraordinari porta novas enconuschientschas.
Ord l'archiv: Exchavaziuns a Scuol
Il film dal balcun tort senza commentari mussa las exchavaziuns archeologicas il 1965 sut il santeri da la baselgia en la vischnanca da Scuol.
Umens cun agid da giuvenils fan millis da scuvertas dal temp medieval. Tut ils chats vegnan fotografads e documentads a moda acribica.
