Casti - 20 firmas a l'Expo Albula/Alvra 2023

L’exposiziun è vegnida averta la sonda a las 11 dal president communal Daniel Albertin. I saja in eveniment tut spezial che dettia la pussaivladad da mussar a la populaziun la savida dals impressaris indigens. I saja ina schanza unica per tuts, da mussar las fermezzas ch’ins haja en la regiun, ha ditg Albertin. L’exposiziun saja il resultat da blera lavur da preparaziun, i saja da grond’impurtanza d’enconuscher las fatschas davos las firmas da la regiun. Ins possia esser losch d’avair tants impressaris ed affars da famiglia en la regiun.

Circa 1'500 visitan l'exposiziun

Sco quai ch'ils organisaturs han ditg sin dumonda da RTR, na saja betg vegnida fatga ina dumbraziun da las visitadras e dals visitaders. Tendenzialmain sajan quai stads in pau pli paucs che tar l'ultima ediziun avant quatter onns. Probablamain var 1'500 persunas. La sonda saja quai probabel stà pervi da la bun'ura, ma era la festa da tundida a Savognin ch'igl haja gì in pau pli paucas persunas a l'exposiziun. Grond saja l'interess stà per la discussiun da podi la dumengia, en vista a las elecziuns parlamentaras.