40'000 uras da lavur a favur dal guaud. Quai è la bilantscha da 10 onns lavur en Val d’Avras, ch’il Project a favur dal guaud da muntogna, il «Bergwaldprojekt», ha prestà.
En tut han 360 voluntarias e voluntarias, durant 5'000 dis da lavur gidà a stabilir la cuntrada d'Avras, nua ch’i dat oz, cun 470 tocs, la pli gronda muntanera da chauras da la Svizra.
audio
Regiuvinaziun dal guaud da «Bergwaldprojekt»
04:09 min, ord Actualitad dals 31.07.2023.
Maletg: RTR
laschar ir. Durada: 4 minutas 9 Secundas.
Martin Kreiliger, il manader da fatschenta dal «Bergwaldprojekt» ha ditg, che la lavur en Val d’Avras cun plantas ch’han per part dapli che 700 onns, saja fitg speziala e motivanta. Il pur Martin Patzen ha ditg, ch’el apprezieschia l’agid da las voluntarias e voluntaris. Sez na fissi mai pussaivel da far tut las lavurs necessarias en il guaud e d’allontanar la cuntrada dal chagliom, e da dar dapli glisch als guauds en Avras.
Attent sin ils bels guauds en Val d’Avras è era vegnì l’Institut federal per la perscrutaziun da guaud, naiv e cuntrada WSL. Sin iniziativa dal Bergwaldprojekt ha el publitgà avant curt il rapport «Zur Geschichte der Wälder im Avers».
1 / 7
Legenda:
Michel Meng maina las lavurs dal Bergwaldprojekt en Val d'Avras.
RTR
2 / 7
Legenda:
Martin Kreiliger è il manader dal Bergwaldprojekt.
RTR
3 / 7
Legenda:
En il Hohenhauswald en Val Madris èn vegnidas runcadas plantas per regiuvinar il guaud.
RTR
4 / 7
Legenda:
Qua allontaneschan voluntaris chagliom.
RTR
5 / 7
Legenda:
Martin Patzen è led da l'agid dal Bergwaldprojekt.
RTR
6 / 7
Legenda:
En quest laresch hai dà donns entras in chametg, perquai mantga il piz. Tuttina è questa planta dapli che 700 onns veglia.
RTR
7 / 7
Legenda:
Il Hohenhauswald en la val laterala d'Avras, la Val Madris.
RTR